Emglev Bro an Oriant

2026 - Etrezomp-ni e brezhoneg (391) Daomp en-dro get Rafael Taldir, kronikour kentañ La Liberté du Morbihan (2/3) : Un ostaleri ruz…

Anaig — 2026-06-12T10:00:00Z

E pep kêriadenn e veze kavet un ostaleri pe da nebeutañ un davarn lec'h ma oa tu da gousket ivez. Tresadenn get Albert Robida (Compiègne 1848- Neuilly-sur-Seine 1926), adlivet. (Dielloù DD & AL)

Setu amañ ur skrid hag a denn un tammig d'ar pezh a vez anvet « an ostalerioù ruz », an ostalerioù-se ma veze lazhet enne ar glianted a chome da gousket evit laerezh o madoù hag o argant. Nag a istorioù hag a sonennoù sort-se a zo. Kanet e vez c'hoazh er filajoù dre-mañ sonenn Yannig ar Bon Garçon, ur sonenn gaer mah eus unan. Hi lakaet hor boa e-barzh Torkad, met ret e vo din he lakaat amañ ivez ur wezh bennak.
Setu istor Matelin, ar foaraour, goude e droiad e Logunec'h

⁂

Ar vaouez yaouank get ur pried kozh

An deiz-se Matelin a oa bet e foar Logunec'h. Kavet en devoa e-pad an enderv kompagnonezh. Ar chopinadoù ne vankent ket getañ a pa oa daet an termen da zistro d'ar gêr.
Tostaat a rae an noz ha hastiñ a rae e bazioù pa zegouezh diraktañ tier kentañ bourc'h Mourieg. Just-er-walc'h, setu a-benn un ti-tavarn ne ziskoa ket bout fallvlaz a-barzh.
— Setu kavet ma zraoù din evit tremen an noz, eme Matelin. Ha eñ d'añtre en ti.

Un den hag ur vaouez, doc'h an oaled, a ziskoe bout é alej koan. Ar boulom ne oa ket ur vlevenn àr e benn, hag e zivhar a grene é kerhet : ar gozhoni a samme start àr e ziskoaz. Ar plac'h blev melen ne oa ket peutr àr he daoulagad, na man àr he c'halon. Matelin, é welet an daou bried dishañval a zaas a-benn en e soñj ar lâredenn gozh :
« Na gouskit ket biskoazh en un ti ma kaver ennañ ur vaouez yaouank get ur pried kozh… »
— Nozvezh vat deoc'h, eme ar plac'h, é plegiñ he fenn dirak Matelin, amañ c'hwi a gavo genomp un daol gwarniset druz hag ur gwele blot da gousket, mar karit.
— Ya, marv on get an naon, ha me 'zebro koan forzh aes genoc'h. Evit ar c'housked, n'hellin ket, un hent hir am eus c'hoazh da lonkiñ.

Ne oa ket c'hoazh Matelin get e goan, pa zegouezh en davarn marc'hadizion roñsed, trouz ha safar gete ; emaint a-benn é tramouchal ar vestrez yaouank, hep ober van erbet ag ar boulom é ober ar stal e korn an oaled.
— Kouezhet oc'h mat, paotred, da c'houlenn lojeris. Just er-walc'h, ar beajour-se ne chom ket da gousket : gwell eo getañ ober hun edan ar loar.
Holl ar varc'hadizion, bourrusaet, da c'hoarzhiñ a-bouez o fenn !
Matelin, eñ, en devoa kuitaet an ti ha serret mat an nor àr e lerc'h. Bout a oa e penn an davarn ur lojell a servije d'ar c'hi pe d'ur pemoc'h. Ne vern, atav e oa goulle get ur forc'had plouz fresk a-barzh ;
— Amañ e vin erhat d'en em astenn da ziskuizh. Atav ne chomin ket en davarn diroll-se.
Ha Matelin frammet er lojell.
Ne oa ket c'hoazh sonet kreiznoz pa glevas Matelin an nor ag an davarn é tigor hag e seblant dezhañ gwelet ar vestrez é pellaat doc'h tu ar vourc'h a bazioù skañv.
— E men eh a ar gatell d'an eur-mañ 'ta ?
Un herradig doc'htu e tistroe ar plac'h en-dro, met pas he-unan. Daou baotr a gazalie geti.
— Setu an termen, a lâre ar plac'h d'he c'hensorted, é tousaat he bouezh. Mam boulom a zo kousket. Mougit eñ etre div lañjer. Ni a bartio hon-tri get ar pochad argant. 'Keñver ar lazh, ar garez a vo lakaet àr ar varc'hadizion kousket er gambr.
Ne oa ket kouezhet an doare e divskouarn ur bouzar. An tronoz enta, setu kavet an tavarnour kozh mouget en e wele. Holl an dud tolpet en-dro d'an ti a huch a-bouez-penn :
— Ar varc'hadizion o deus graet an torfed !
Ar geizh paotred a oa bet chadennet da c'hortoz an eontr-kordenn.
Kentizh ma tegouezh ar re-mañ e sav Matelin doc'htu :
— An dud-se ned int ket kablus. Mestrez yaouank an ti, get he galanted, he deus lazhet ar boulom evit skrapiñ e bochad argant.
Ha eñ da zispleg d'an archerion ar pezh en devoa klevet e-pad an noz.
Tapet e oa bet emberr an tri menandour. D'an amzer gozh ne oa ket a c'hoari get ar vultrerion. Krouget e oant bet o-zri doc'h dirag an ti-tavarn. Hag ar varc'hadizion é kennig mil bennozh da Vatelin en devout o zennet a grabanoù ar vaouez yaouank dimezet d'ur pried kozh !

Raf Pondi, 08/03/1969.

Kinniget ha lakaet er skritur a-vremañ get Daniel Doujet, 12 a viz Mezheven 2026.

Geriaoueg :
bourrusaet adj. réjouis.
doc'h dirag an ti-tavarn expr. devant la taverne, à la façade de la taverne.
dramouchal v. chahuter, lutiner.
foaraour m. –ion personne qui va à la foire, qui fréquente les foires.
frammiñ v. se fourrer.
katell f. putain, fille de mauvaise vie, à la cuisse légère.
kazaliiñ get unan bennak expr. aller bras dessus, bras dessous avec quelqu'un.
lakaat ar garez expr. accuser. On connait sans doute plus actuellement le verbe contraire digareziñ v. (excuser), mais lakaat ar garez était une expression très vivante et très utilisée. Comme dans ces quelques exemples :
« Ar Izidor é oé bet lakeit er garé, èl rézon » (« Mab Klohour Melrand », Loeiz Herrieu, DIHU 94, Ebrel 1913, p. 245) ;
« Aben e ma laket er garé get er mem ré » (« Hoari mouched », Raf Pondi [Raphaël Taldir], LIMO, 21/04/1967) ;
« Er jandarmed e lakè er garé ar un dén yaouank » (« Ne laket ket en tan ! » Bleu Benal [Pier ar Saoz], LIMO, 02/09/1978).
Logunec'h nl. Locminé (Morbihan).
Mourieg nl. Moréac, près de Locminé.
ne oa ket peutr àr he daoulagad expr. elle n'avait pas froid aux yeux ; litt. « elle n'avait pas de poudre sur les yeux »
ne oa ket man àr he c'halon expr. elle n'avait peur de rien. Littéralement « elle n' avait pas de mousse sur le cœur ». C'est du moins comme ça que je comprends cette expresssion, mais si un lecteur peut confirmer, je suis preneur !
ober hun edan ar loar expr. dormir à la belle étoile.
ostaleri ruz expr. auberge rouge (du sang des clients qu'on y tuait pour les dépouiller).
sammiñ àr expr. peser sur.

An Oriant • FEST-NOZ • 20/06/2026

Skipailh — 2026-06-08T13:04:22Z

Fest-noz : Dañs ar Jaze - Rhaddouf/Le Rouzic - Guillo/Richard

Aozet get • Organisateur : Tavarn ar Roue Morvan

📅 D'ar Sadorn 20 a viz Mezheven • Samedi 20 juin
⏰ adal 7e noz • à partir de 19h
🏠 Tavarn ar Roue Morvan
🌐 AN ORIANT • LORIENT

An Oriant • SINE-SONADEG / CINE-CONCERT • 19/06/2026

Skipailh — 2026-06-08T12:34:14Z

Sine-sonadeg • Ciné-concert : "La part des singes" de Yannick Charles, avec les musiciens du Next Quartet

• Un ciné-concert avec Marc Ricordel (claviers), Olivier Malandain (contrebasse), Yannick Charles (batterie) et Samuel Hervy Cheruel (saxophone).
C'est l'histoire de capitaines courageux à la barre de bateaux de Lorient et d'ailleurs. Patrons aux expériences multiples, ce sont des figures de solitaires à sang froid et de joueurs. À travers leurs mots et leurs yeux, on plonge dans un quotidien à part et dans un autre monde : celui de la haute mer avec ses incertitudes et ses émotions.
Jouées en live par le Next Quartet, les musiques originales de La Part des Singes, composées par son réalisateur, colorent les images de mer d'atmosphères chaudes et émouvantes, au diapason de l'univers marin qu'elles magnifient.

Aozet get • Organisateur : Bretagne Culture Diversité & Médiathèques de Lorient

📅 D'ar Gwener 19 a viz Mezheven • Vendredi 19 juin
⏰ 2 abadenn : 3e g.m. & 6e noz • 2 séances : 15h et 18h
🏠 Mediaoueg • Médiathèque François Mitterrand
🌐 AN ORIANT • LORIENT
💰 Digoust ha keit ha ma vo plas • Gratuit dans la limite des places disponibles
🛈 Enskrivadur • Inscriptions : klikit amañ • cliquez ici

An Oriant • SONADEG / CONCERT • 18/06/2026

Skipailh — 2026-06-08T12:21:15Z

Sonadeg • Concert : Baroufonik & Lokmi Fiddle Band

Aozet get • Organisateur : Son ar Leurenn & Guinguette A-Dreuz

📅 D'ar Yaou 18 a viz Mezheven • Jeudi 18 juin
⏰ 8e noz • 20h
🏠 Guinguette A-Dreuz
🌐 AN ORIANT • LORIENT

Henbont • EMVOD KELAOUIÑ / REUNION D'NFORMATION • 17/06/26

Skipailh — 2026-06-08T11:44:31Z

Emvod kelaouiñ • Réunion d'information

Aozet get • Organisateur : Roudour

• Un emvod-kelaouiñ a vo e Henbont evit ar re a faot dezhe heuliañ ur stummadur 6 pe 9 miz gant Roudour
• Une réunion d'information aura lieu à Hennebont pour les personnes intéressées par une formation de 6 ou 9 mois au breton

📅 D'ar Merc'her 17 a viz Mezheven • Mercredi 17 juin
⏰ da 10e • à 10h
🌐 HENBONT • HENNEBONT
ℹ️ Titouroù hag enskrivadur • Renseignements et inscription : 02 98 99 75 81 - degemer@roudour.bzh / roudour.bzh

2026 - Etrezomp-ni e brezhoneg (390) Daomp en-dro get Rafael Taldir, kronikour kentañ La Liberté du Morbihan (1/3) : en-dro d'an dour…

Anaig — 2026-06-05T10:00:00Z

Ar Blavezh, daet da vout sioul, goude un hir a dreuz, a ya d'en em goll e kourev Groe en ur dremen dindan Pont-ar-Boulom. (© Anaig Lucas 05/01/2023)

Er gronikenn 193 [1], d'an 26 a viz Eost 2022, em boa komzet deoc'h amañ a Rafael Taldir ha kontet deoc'h ur lodenn a vuhez an den-se hag a voe kronikour kentañ La Liberté du Morbihan, er rubrikenn « Etrezom… é brehoneg » hag a veze embannet bep Gwener, ha lennet get ur bochad tud. Anavet em eus lod a lennerion ar pennadoù-se…ha ma mamm-gozh da gentañ-penn !
Ne zistroin ket enta àr e vuhez, razh ar pezh a ouian em boa skrivet er gronikenn-se, met èl ma ne vo ket embannet e skridoù èl hor boa graet evit Job Jaffré ha Pierre Le Sausse, em eus soñjet ne vehe ket fall lakaat amañ un nebeud testennoù oc'hpenn ar re am eus kinniget deoc'h dija [2], hag oc'hpenn ar re am boa lakaet e-barzh Torkad. Daomp hiriv get an dour.

C'hoari get an dour

Ar glav a gouezh gozik bemdez en Europ a-bezh er c'houlz-mañ ag ar blez. Kalz a gornadoù-bro a zo bet gwallaozet get an dour. E Breizh eh eus bet bec'h e Roazhon hag e flagennoù Redon.
Lod-kaer a bradoù a zo troet da vout lenn, hag ar gwazhioù a zic'hlann e kement lec'h a zo. Anavet mat eo penaos emañ aesoc'h emgann enep d'an tan evit enep d'an dour. Ar c'hentañ a vez lazhet, met an eil ne dec'h nemet ken na vez e soñj…
Ha neoazh, daousto dezhañ bout un dra eac'hus, an dour a sach getañ, doc'htu, an neb a dosta d'er gwelet. Sellit ar vugale, pegement a blijadur o devez é trapikellat, é sailhal en disterañ poullad a gavont. Mard eus, tostik-tra d'o zi, un hentad dour pe ur wazh, neuze emañ brav ar jilori.
M'anav mat unan atav, a pa oa krenngoujard, hag a dremene kalz a amzer é fourbichat en dour pa gave an tu.
Un hent don a oa en diaz ag ar prad, hag a-barzh un toull-kan. A pa greskae an dour, netra e oa stankiñ an toull. Neuze an dour en em zalc'he er prad, uheloc'h-pe-uhel, e-keñver ur lenn.
Biskoazh gwell an doare betek n'arrue an hani 'bieue ar prad… Hannen ne c'hoarzhe ket en arbenn ag ar c'harzh prest da fondiñ get ar samm :
— Ho paotr en deus graet ardoù e ma frad, Mari, grit dezhañ distankiñ an dour-mañ, a huche-eñ d'ar vamm. Un tammig àr-lerc'h e veze koataet ar menandour, met penaos donet da benn ag unan aheurtet ?
Pelloc'h, er flagenn, en tu 'rall d'ar parkoù ha d'ar pradoù, e rede ur wazh vras. Komzet e veze lies anezhi ; dreist-holl d'ar filaj d'ar gouiañv. Met me, ne vezen ket biskoazh laosket d'he gwelet.
Mat ha fall e oa an traoù geti : d'un tu e tegase ar gwim evit ar loened, d'an tu'rall e lakae an douar da vout brein. D'ar gouiañv e veze klevet é kornal a-bell ; ar parkoù a veze goloet emberr. D'an hañv ar wazh a yae da hesk ; mein ront ha jibl a chome àr an dan evit derc'hel ar raned da guzh.
Èl-se e veze lâret din atav, rak na hañv na gouiañv ne'm boa droed da dostaat doc'hti :
— C'hoariit lec'h ma karahet, met erbat deoc'h monet da redek d'ar wazh… Er wazh-se eh eus toulloù don ho kaso d'an ifern ; aeron a vev e-lesk ar broenn, ha laeron a vez lies é fenetat en-dro.
Ne dostaen ket-me d'ar wazhig, nemet d'an noz, em gwele. É klevet an dour é kornal er flagenn e tae din hunvreal : monet get ar wazh-se un deiz bennak, pell, pell, betek an achumant ag an dour…

Raf Pondi, LIMO, 18/11/1966

Dramsell àr ar Blavezh

Ar Blavezh a zo ur stêr, unan ag ar re hirañ a Vreizh, 150 km. Treuziñ a ra Bro-Gwened azal Gwareg betek morlenn an Oriant. Reve lod-kaer, ar ger-se a venn lâret : ar wazh gouez, rak kent ma oa dalc'het get kanol Naoned, ar Blavezh a rede buan hag a sailhe èl ur loen gouez a roc'h da roc'h a-hed e flagenn.
Èl ma lâr Frañsez Kadig, ar Blavezh en e gavell a rae lies ar penn fall. Lâret e veze mem penaos e oa ur bouc'h-evour. Atav, kentizh bout kuitaet e vammenn e tae da vout ur lonker dour, kreñv ha nerzhus.
Ar goupenn e pehani e kemere e lonkad kentañ a oa anvet ar Lagad Mor, rak, 'lârer, an toull-se dre-zan an douar a grouize un toull-kan betek ar mor. Aon bras o devoa an dud ag un toull ken don, ha bep blez e veze boutet ur c'hrouadurig a-barzh evit distan e gounnar.
Ur piled en e zorn, un dorzh bara e-tal e gostez, ar c'hrouadurig a veze dalc'het en ur varrikenn àr ar poull. Ar blezad àr-lerc'h e veze digoret an donnell : ar piled a oa losket, ar c'hrouadur a oa marv. Kentizh e veze ret lakaat unan arall en toull.
Ur blez bennak neoazh, Doue en devoa kemeret truez doc'h ar c'hrouadurig paour : kavet e oa bet bev ha lidrin ar blez àr-lerc'h hag ar piled a zalc'he da loskiñ en donnell. Goude-se, ar Blavezh a oa daet da vout bourrusoc'h, reve ar sorbienn, ha goude-se e talc'has da redek flour a-dreuz douaroù ar Morbihan.

Dismantroù abati an Diskuizh-Mat, truek ha debret get an iliav, èl ma oant bet anavet get Rafael Taldir. Adkempennet eo bet a-c'houde get tud a youl-vat, ha degemer a ra gweladennerion ha diskouezadegoù. Diàr La Basse-Bretagne, Auguste Dupouy, Arthaud, 1940. (Dielloù DD & AL)

Ar Blavezh a zisoc'h ag an douar e-tal Boulvriag e Bro-Treger. Un tammig àr-lerc'h e vammenn, eñ a gav àr e hent ur steudad rec'hier diskaret a-zoc'h an daou du. Neuze, e-pad ur pemp pe c'hwec'h-kant metr en em goll ha klevet e vez é trouzal edan ar mein hep bout gwelet. An « Toull-Goullik » e vez anvet an tachad bourrus-se ha ma n'en anavit ket e kinnigan deoc'h groñs monet du-hont d'ober un dro-bale d'an amzer vrav. N'ho po ket keuz ! Àr parrez Larruen e tele bout ar rec'hier-se. Merchet eo àr vord an hent bras.

Derc'hel a ra ar Blavezh da redek e-unan betek Gwareg. Aze e kazalia get kanol Naoned, krouizet e termen Napoleon ha goude. Daet eo da benn a ober e hent e-mesk rec'hier kalet ha tosennoù uhel a sav àrnezhe Koadoù Kenekan, lec'h m'emañ brav gwelet Sailh-ar-Bidoc'h, lenn ar Saloù, ha motenn uhel Breilh-an-Nervenn. A-dra-sur aze emañ unan a gornadoù bravañ Breizh an Argoad.
Abati distrujet Intron-Varia an Diskuizh-Mat a zo àr vord ar stêr àr barrez Lanniskad. Betek Dispac'h 1789 e veve manac'hed a-barzh, ar venec'h trapisted e oant, èl re Timadeug hiniv an deiz. An dud ag ar c'hornad n'o deus ket dalc'het brud vat ag ar vanac'hed kozh-se : èl e meur a gouvant arall, kollet e oa un tammig an devosion e manati an Diskuizh-Mat. An Dispac'h n'en devoa graet nemet banniñ tre d'an diaz ar pezh a oa dija koreignet kalz.
Komzet e oa bet un herrad e vehe bet daet manac'hed aze a-retorn da adsevel ar mogerioù. Met re a goust a vehe bremañ degas buhez en-dro en un tachad didro sur-'walc'h, met mouget hiniv an deiz d'an drein, d'ar spern ha d'an iliav. D'an hañv e vez karget a dud d'ar Sul, é tiskuizh en-dro hag é pesketat, hag e talc'h èl-se da vout un « Diskuizh-Mat ».

Raf Pondi, 20/01/1967

Kinniget ha lakaet er skritur a-vremañ get Daniel Doujet, 5 a viz Mezheven 2026.

Geriaoueg :
Abati Intron-Varia an Diskuizh Mat nl. Abbaye de Bon-Repos.
aer, naer f. aeron, naeron serpent.
a-retorn adv. de nouveau.
ardoù pl. ici dans le sens de bêtises.
Blavezh hydron. Blavet.
bouc'h-evour expr. fameux buveur.
Boulvriag nl. Bourbriac.
Breilh-an-Nervenn nl. Breuil du Chêne, point culminant de la forêt de Quénécan.
dic'hlann, dic'hlanniñ v. déborder des berges, donc inonder.
e-keñver prép. à la hauteur de.
fenetat v. rôder
flagenn f. –où vallée.
fourbichat, firbouchat v. patouiller.
gwim m. regain.
koreignet adj. penché, vacillant.
krenngoujard m. –ed jeune adolescent.
Larruen nl. Lanrivain.
lenn ar Saloù nl. étang des Salles, à cheval sur les Côtes d'Armor (Sainte-Brigitte) et le Morbihan (Perret).
lidrin, lirzhin adj. joyeux, qui a bonne mine.
piaouiñ v. posséder.
menandour m. petit drôle, chenapan.
poullad m. –où flaque d'eau.
Sailh-ar-Bidoc'h nl. vallon du Saut du Chevreuil, en Quénécan.
toull-kan m. toulloù-kan ouverture pour laisser passer l'eau.
uheloc'h-pe-uhel comp. de plus en plus haut.

[1] https://www.emglevbroanoriant.bzh/spip.php?article1892

[2] https://www.emglevbroanoriant.bzh/spip.php?article1890 :« Kroaz ar Basion en un neizh pig » 19/08/2022 ha https://www.emglevbroanoriant.bzh/spip.php?article1894 : « Yann Piked ha flateerion Klegereg » 02/09/ 2022

An Oriant • LENNADENNOÙ / LECTURES EN BRETON • 06/06/2026

Skipailh — 2026-06-03T13:33:49Z

Lennadennoù • Lectures en breton

Aozet get • organisé par : Médiathèques de Lorient & Skoazell Diwan an Oriant & Div Yezh an Oriant & Emglev Bro an Oriant

📅 D'ar Sadorn 6 a viz Mezheven • Samedi 6 juin
⏰ da 10e30 • à 10h30
🏠 Mediaoueg • Médiathèque F. Mitterrand
🌐 AN ORIANT• LORIENT
💰 Digoust • Gratuit
ℹ️ Titouroù • Renseignements : 02 97 87 83 85 / skoazelldiwananoriant@gmail.com

Bubri • PARTI KAER/CAUSERIE EN BRETON • 11/06/2026

Skipailh — 2026-06-03T13:07:19Z

Kaozeadenn • Causerie en breton

Aozet get • organisé par : Poar ar leur

📅 D'ar Yaou 11 a viz Mezheven • Jeudi 11 juin
⏰ da 6e30 noz • à 18h30
🏠 Local Liammzer
🌐 BUBRI • BUBRY
💰 Digoust • Gratuit
ℹ️ Titouroù • Renseignements : poararleur@gmail.com

Rianteg • KINNIG SONEREZH / DÉCOUVERTE D'INSTRUMENTS • 05/06/2026

Skipailh — 2026-06-03T10:42:02Z

"L'heure à vent"

"L'heure à vents", c'est l'occasion de venir découvrir quelques instruments à vent enseignés à l'école de musique :
👉 Clarinette, biniou, bombarde avec Nicolas Syz
👉 Flûtes irlandaises, traversières (bois et métal) avec Eliza Perrin
👉 Trompette et autres embouchures avec Benoit Marty

Aozet get • organisé par : Sonam' - école de musique - skol sonerezh et Médiathèque Añjela Duval

📅 D'ar Gwener 5 a viz Mezheven • Vendredi 5 juin
⏰ da 5e30 noz • à 17h30
🏠 Mediaoueg • Médiathèque Añjela Duval
🌐 RIANTEG • RIANTEC
💰 Digoust • Gratuit
ℹ️ Titouroù • Renseignements : mediatheque@mairie-riantec.bzh / 02.56.54.82.11

Mellag • GBB • 26>28/06/2026

Skipailh — 2026-06-03T10:41:18Z

Gouel Broadel ar Brezhoneg

Bodet vez e Gouel Broadel ar Brezhoneg (GBB) bed ar brezhoneg e-pad 3 devezh.

Emgav etre ar Gwener 26 betek ar Sul 28 a viz Even 2026 e Maner Kernod e Mellag, e bro Kemperle !

Brezhoneg war al leurenn, er standoù, war ar skrammoù ! Evit kaout plijadur ha teskiñ : ar brezhoneg a vo e pep lec'h ! Lidet ‘vez ganeomp al liesseurted hag ar yezh gant ur spered stourm : brezhoneg yezh ofisiel, setu ar spered ! Neuze degemer mat e GBB !

Pendant 3 jours vivez en breton à l'occasion de la GBB

Rendez-vous du vendredi 26 au dimanche 28 juin 2026 au Manoir Kerault à Mellac, en pays de Quimperlé !

La langue bretonne sera au coeur du festival, su scène, aux stands, sur les écrans ! Pour le plaisir et pour apprendre ! Une fête engagée pour la diversité et la langue : Breton langue officielle ! Bienvenue à la GBB !

📅 Eus ar Gwener 26 betek ar Sul 28 a viz Mezheven • Du vendredi 26 au dimanche 28 juin
🏠 Maner Kernod • Manoir de Kernault
🌐 MELLAG • MELLAC
ℹ️ Titouroù • Renseignements : https://gbb.bzh/istor/titourou-pleustrek/